Me një aksion simbolik, deputetët qëndruan në sallën e Kuvendit pas dështimit për të 40-në herë të konstituimit të tij.
Deputetja Vlora Çitaku deklaroi se kryesuesi i seancës konstituive, Avni Dehari, po shkel Kushtetutën. Ajo i bëri thirrje Lëvizjes Vetëvendosje për reflektim dhe kthim në rendin e ditës.
“Fatkeqësisht, edhe sot, sërish me vetëdije të plotë, zotëri Dehari, Lëvizja Vetëvendosje po e shkelin Kushtetutën. I bëjmë thirrje edhe një herë Lëvizjes Vetëvendosje që të reflektojë, të kthehemi në sallë pasnesër, t’i kthehemi rendit të ditës, të konstituojmë Kuvendin e Kosovës dhe të bëjmë punën tonë… Ne qëndruam simbolikisht në sallë edhe herën e kaluar edhe sot më gjatë, sepse është e turpshme që të vijmë këtu e të rrimë nga dy minuta e të largohemi sikur të mos ndodhë asgjë”, deklaroi Çitaku.
