Gjykata Themelore në Prizren ka caktuar masën e paraburgimit prej një muaji për ish-drejtorin e Policisë në këtë rajon, Nexhmi Krasniqi, dhe tre persona të tjerë.
Ata dyshohen se kanë detyruar një qytetar që ta shesë përgjysmë më lirë një pronë me vlerë rreth gjysmë milioni euro.
Të arrestuarit u paraqitën të mërkurën para Gjykatës në Prizren, ku u shqyrtua kërkesa e Prokurorisë për caktimin e paraburgimit prej 30 ditësh.
Prokuroria ka argumentuar se ekziston rreziku i ndikimit në dëshmitarë, prishjes së provave dhe përsëritjes së veprës penale në rast se të dyshuarit mbrohen në liri.
