Ish-deputeti i Parlamentit të Kosovës dhe eksponent i Partisë Demokratike të Kosovës (PDK), Xhavit Haliti, ka komentuar zhvillimet e fundit në zgjedhjet për pushtetin vendor në Kosovë, gjatë një lidhjeje të drejtpërdrejtë në emisionin “Trialog” në RTSH.
Haliti vlerësoi organizimin e partive opozitare në raundin e parë të zgjedhjeve, duke theksuar se koalicionet paszgjedhore duhe të jenë më të fokusuara tek qytetarët.
Ai përmendi disa nga garat më të forta që pritet të zhvillohen në balotazhin e 12 komunave, duke veçuar Mitrovicën, Prishtinën dhe Prizrenin si më të spikaturat.
I pyetur për mundësinë e një koalicioni mes LDK-së dhe PDK-së në balotazh, duke lënë jashtë skemës Vetëvendosjen, Haliti u shpreh se kjo është një çështje që do të shqyrtohet nga partia.
Duke folur për performancën e PDK-së në zgjedhjet lokale, Haliti theksoi se partia ka numrin më të madh të anëtarëve të Asambleve përfaqësuese, por kjo nuk duhet të konsiderohet automatikisht si fitore.
…..
