Ish-deputetja, Hykmete Bajrami ka uruar 28 Nëntorin, duke thënë se është dita për për të festuar dhe për t’u ndier krenarë për çdo arritje kombëtare.
Përmes një postimi në Facebook ajo shkroi se pse shqiptarët jetojnë në disa shtete, kjo ditë është e përbashkët.
Bajrami tha se në këtë ditë kujtohen gratë dhe burrat që kanë dhënë gjithçka, “madje edhe jetën, për kauzën shqiptare, për Flamurin, për Shqipërinë dhe për Republikën e Kosovës”.
“Kanë dëshmorët, martirët dhe invalidët e luftës që na kujtojnë se Republika e Kosovës është ngritur mbi sakrifica, mbi gjakun e dëshmorëve dhe çdo ditë duhet të punojmë për ta çuar amanetin e tyre në vend! Sot festojmë e kujtojmë edhe familjarët tanë të rënë në luftën e UÇK-së dhe të gjithë ata që kanë punuar, u angazhuan dhe luftuan kundër armikut”, shkroi ajo.
