Nënkryetari i Lidhjes Demokratike të Kosovës, Lutfi Haziri, ka deklaruar se partia e tij po hyn në zgjedhjet e jashtëzakonshme të 28 dhjetorit me unitet të plotë dhe me bindjen se qytetarët do t’i rikthejnë besimin LDK-së.
Ai ka bërë të ditur se kryetari i partisë, Dr. Lumir Abdixhiku, është nominuar për kandidat për kryeministër.
Ai kritikoi gjendjen aktuale politike në vend, duke thënë se mungesa e bashkëpunimit ndërinstitucional dhe vullnetit politik ka çuar Kosovën në bllokadë të plotë.
Sipas Hazirit, zgjedhjet e 28 dhjetorit janë mundësia për t’i dhënë fund, siç i quajti ai “territ politik” dhe për t’u rikthyer te vlerat tradicionale të vendit.
Haziri theksoi se partia ka kontribuar vazhdimisht në proceset shtetformuese. Ish-kryetari i Gjilanit tha se vendi ka nevojë për rikthimin e LDK-së në qeverisje.
