Misioni i OSBE-së në Kosovë ka dënuar gjuhën degraduese dhe seksiste të përdorur ndaj deputetes të LVV-së, Adriana Matoshi nga kryetari i Skënderajt, Sami Lushtaku.
Ata kanë theksuar që kujtojnë angazhimet nga Deklarata për Eliminimin e të Gjitha Formave të Dhunës ndaj Grave në Politikë dhe Jetën Publike, veçanërisht gjatë 16 ditëve të aktivizmit kundër dhunës me bazë gjinore.
Ndërkohë gjatë dy ditëve të fundit janë duke qarkulluar komunikimet e ndërsjella nga debatet televizive e reagimet në rrjete sociale ndërmjet dyshes Matoshi dhe Lushtaku, të cilat janë dënuar tashmë nga shumë institucione vendore për gjuhën denigruese.
Në mesin e tyre është edhe Rrjeti i Grave të Kosovës, të cilët kanë thënë se kjo retorikë ushqen kulturën e dhunës me bazë gjinore dhe përpiqet të ulë zërin e grave përmes turpërimit e diskriminimit.
