Instituti për Krimet e Kryera gjatë Luftës (IKKL) ka mbledhur materiale arkivore nga 650–700 burime të ndryshme nga 14 shtete, duke u shndërruar në një pikë reference për studiues, gazetarë dhe producentë ndërkombëtarë.
Drejtori Atdhe Hetemi tha se arkiva aktualisht ka mbi 400 metra material fizik, të mbledhur nga fotoreporterë, media, familjarë të viktimave dhe vetë mbijetuesit.
Çdo material arkivohet dhe verifikohet sipas standardeve profesionale, duke siguruar përdorimin për hulumtime shkencore, dokumentarë dhe procese gjyqësore.
Instituti dokumenton krimet kundër njerëzimit, ekonomike, psiko-sociale, dëmet në ambient dhe shkatërrimin e trashëgimisë kulturore, me fokus periudhën 1998–1999, por duke përfshirë edhe krime të mëparshme si helmimet e nxënësve dhe vrasjet e ushtarëve shqiptarë në ish-APJ.
