Ish-komandanti i Zonës Operative të Llapit të UÇK-së, Rrustem Mustafa, ka kritikuar kryeministrin në detyrë, Albin Kurti, lidhur me shpenzimet prej 36 milionë eurosh për ish-pjesëtarët e UÇK-së të ndodhur në Hagë.
Mustafa tha se kjo shumë është e vogël për pesë vitet e angazhimeve dhe vizitave të familjarëve dhe qytetarëve.
Ai shtoi se Kurti, edhe pse veteran, ka ndërmarrë veprime që kanë dëmtuar veteranët, përfshirë largimin e tyre nga ligji për pagën minimale.
Mustafa paralajmëroi se do të vazhdojë të reagojë derisa të ndalet keqmenaxhimi dhe qasja e gabuar ndaj vlerave të Ushtrisë Çlirimtare të Kosovës, duke kërkuar një strategji që të trajtojë me drejtësi procesin e ndjekjes së eprorëve të UÇK-së.
