Liberalizimi i vizave për qytetarët kosovarë, që lejon udhëtimin pa viza në 29 shtete të zonës Schengen, ka shkaktuar një rritje të migrimit në vitin e parë të zbatimit. Sipas Eurostat, në vitin 2024 pati një rritje të numrit të azilkërkuesve, por kjo tendencë ndryshoi në vitin e dytë, kur numri i kërkesave për azil ra ndjeshëm.
Në disa muaj, migrimi ishte më i ulët se para liberalizimit të vizave. Udhëtimet pa viza janë të kufizuara për vizita turistike, çështje familjare, dhe jo për punë ose kërkesa azilante.
Edhe pse kishte shqetësime se shumë të rinj do të shfrytëzonin mundësinë për të kërkuar azil ose punë në BE, ky trend po tregon rënie, duke përfshirë një ulje drastike të kërkesave nga të rinjtë nën 14 vjeç.
Kjo rënie është pozitive për Kosovën, pasi një rritje e migrimit të parregullt mund të ndikonte negativisht në marrëveshjen për liberalizimin e vizave. Bashkimi Evropian ka një mekanizëm që mund të pezullojë përkohësisht këtë mundësi udhëtimi, në rast se ka abuzime masive me vizat.
Për më tepër, Këshilli i BE-së e ka përfshirë Kosovën në listën e vendeve të sigurta të origjinës, duke e bërë më të vështirë kërkimin e azilit në BE për qytetarët kosovarë.
