Presidenti i Ukrainës, Volodymyr Zelensky, ka deklaruar se Rusia po shfrytëzon territorin e Bjellorusisë për të kryer sulme ndaj objektivave ukrainase dhe për të anashkaluar sistemet mbrojtëse të Kievit.
Sipas tij, Moska dyshohet se ka vendosur raketa të reja balistike hipersonike me aftësi bërthamore në një ish-bazë ajrore në lindje të Bjellorusisë, duke rritur rrezikun për Ukrainën dhe Evropën.
Zelensky tha se pajisje ushtarake, përfshirë antena për orientimin e dronëve rusë “Shahed”, janë vendosur mbi ndërtesa banimi pranë kufirit, gjë që sipas tij përbën shpërfillje të jetës njerëzore dhe rrezik për vetë Bjellorusinë.
Ai kritikoi Minskun për dorëzimin e sovranitetit në favor të ambicieve agresive të Rusisë. Rusia dhe Bjellorusia nuk kanë reaguar ende ndaj këtyre akuzave.
