Pacientët që vuajnë nga sëmundjet koronare të zemrës kanë rrezik më të lartë për degradim të aftësive kognitive në vitet e mëvonshme, tregon një studim i ri i publikuar në *Journal of the American College of Cardiology*.
Sipas studimit, tek këta pacientë vërehet rënie më e shpejtë e rezultateve në testet njohëse, përfshirë kujtesën verbale dhe orientimin në kohë. Studiuesit kanë ndjekur për rreth 12 vjet të rritur pa histori të sulmeve në zemër dhe kanë konstatuar se sëmundjet e zemrës kanë ndikim afatgjatë edhe në funksionin e trurit.
Ekspertët theksojnë se, me rritjen e jetëgjatësisë dhe përdorimin më të shpeshtë të trajtimeve kardiake, po vërehen gjithnjë e më shumë pasoja të sëmundjeve të zemrës në shëndetin kognitiv.
