Ushtarët amerikanë dhe Task Force Mjekësore të Komandës Rajonale-Lindje të KFOR-it, në koordinim me Policinë e Kosovës, zhvilluan trajnimin “Combat Casualty Care” dhe “Combat Lifesaver” në Kampin Bondsteel.
Qëllimi i këtyre trajnimeve është të rrisë gatishmërinë mjekësore taktike dhe të forcojë bashkëpunimin profesional midis forcave të NATO-s dhe institucioneve lokale të sigurisë, duke kontribuar në stabilitetin dhe sigurinë afatgjatë në rajon.
KFOR-i vazhdon të zbatojë mandatin e tij sipas Rezolutës 1244 të OKB-së, duke punuar ngushtë me Policinë e Kosovës dhe EULEX-in për të garantuar një mjedis të sigurt dhe lirinë e lëvizjes për qytetarët në Kosovë.
