Ushtarët italianë nga Komanda Rajonale-Perëndim (RC-West) e misionit të KFOR-it të udhëhequr nga NATO, po vazhdojnë zhvillimin e stërvitjeve të rregullta në Kosovën perëndimore.
Trajnimet janë fokusuar në aktivitete të mbikëqyrjes përmes patrullave të montuara dhe të çmontuara, me synim ruajtjen dhe forcimin e kapaciteteve operacionale të KFOR-it për monitorimin dhe kontrollin e zonës së përgjegjësisë.
Sipas KFOR-it, këto patrullime janë thelbësore për të siguruar një prani të dukshme dhe të paanshme, për rritjen e vetëdijes situative dhe për mbështetjen e stabilitetit në rajon, duke kontribuar në krijimin e një mjedisi të sigurt për të gjithë qytetarët e Kosovës.
Misioni i KFOR-it vazhdon të zbatojë mandatin e tij në përputhje me Rezolutën 1244 të Këshillit të Sigurimit të OKB-së, me qëllim garantimin e sigurisë dhe lirisë së lëvizjes. Në këtë kuadër, KFOR-i bashkëpunon ngushtë me Policinë e Kosovës dhe me Misionin e BE-së për Sundimin e Ligjit (EULEX), në përputhje me rolet e tyre si reagues të sigurisë.
