Xhiroja e katërt e Ligës Unike të Femrave sjell përballje të forta

Liga Unike e Femrave në basketboll rikthehet këtë javë me xhiron e katërt të garës, duke sjellë përballje interesante për tifozët.

Java nis sot me ndeshjen Tirana – Peja 03. Tirana ka një fitore dhe një humbje në dy ndeshjet e para, ndërsa Peja 03 vjen me bilanc 4 fitoresh dhe 1 humbje.

Të mërkurën, kampioni Flamurtari përballet me Bashkimin, ku Vlora ka një fitore dhe një humbje, ndërsa Bashkimi ka dy fitore dhe një humbje deri tani. Java mbyllet me përballjen kryeqytetase Prishtina – Partizani, me Prishtinën që ka dy fitore e një humbje dhe Partizanin me dy humbje.

Orari i ndeshjeve:

E martë, 17:00 – Tirana vs Peja 03

E mërkurë, 17:00 – Flamurtari vs Bashkimi

E mërkurë, 20:00 – Prishtina vs Partizani