Agjencia e Statistikave të Kosovës (ASK) ka publikuar të dhënat për Mirëqenien Sociale në dhjetor 2025, duke evidentuar ndryshime në numrin e përfituesve të skemave pensionale dhe sociale krahasuar me dhjetorin e vitit 2024.
Sipas raportit, numri i përfituesve të disa skemave ka shënuar rënie, duke përfshirë pensionet invalidore (-27,5%), pensionet e Trepçës (-20,6%) dhe pensionet familjare (-10,6%). Ndërkohë, disa skema të tjera kanë pasur rritje, si pensionet paraplegjike dhe tetraplegjike (+12,6%), pensionet e Forcës së Sigurisë së Kosovës (+8,6%) dhe përkrahja për familjet me fëmijë me aftësi të kufizuara (+8,0%).
Raporti tregon ndryshime të ndjeshme në strukturën e përfituesve të mirëqenies sociale, duke reflektuar dinamikat aktuale në skemat pensionale dhe mbështetjen sociale në Kosovë.
