Oda Ekonomike Amerikane priti sot Drejtorin e Përgjithshëm të Dogana e Kosovës, Agron Llugaliu, për të diskutuar planin e punës për vitin 2026 dhe për të fuqizuar bashkëpunimin ndërmjet dy institucioneve.
Drejtori Ekzekutiv i Odës, Arian Zeka, vlerësoi reformat e vazhdueshme të Doganës dhe rolin e saj të dalluar në Ballkan, ndërsa Llugaliu theksoi performancën pozitive të institucionit për vitin 2025 dhe synimet për lehtësimin e tregtisë dhe mbështetjen e sektorit privat.
Mes projekteve të përmendura ishte inaugurimi i një skeneri të ri në Merdare, zgjerimi i vendkalimit doganor në Vërmicë, dhe zbatimi i zero-tarifave për mallrat me origjinë amerikane, duke u mbështetur nga programi i CLDP i SHBA-së. Takimi po ashtu shërbeu si platformë për të diskutuar sfidat e ndërmarrjeve private dhe zgjidhjet brenda kuadrit ligjor, duke nënvizuar rëndësinë e dialogut publiko-privat.
