Presidenti i Shteteve të Bashkuara, Donald Trump, ka deklaruar se SHBA-ja posedon armë sekrete për të cilat pjesa tjetër e botës nuk ka njohuri dhe se ato duhet të mbahen ende larg vëmendjes publike. Ai nuk dha detaje për natyrën apo aftësitë e këtyre armëve, duke theksuar se është më mirë të mos flitet publikisht për to.
Deklarata u bë pas një pyetjeje që lidhej me një operacion amerikan në Venezuelë, çka ka nxitur spekulime se teknologji të tilla mund të jenë përdorur tashmë, megjithëse kjo nuk u konfirmua.
Trump ka paralajmëruar më herët edhe zhvillime të reja në fushën ushtarake, përfshirë testime të arsenalit bërthamor dhe ndërtimin e një klase të re anijesh luftarake, të cilat pritet të jenë ndër më të mëdhatë dhe më të shtrenjtat në historinë e Marinës amerikane.
