Eugen Cakolli nga KDI njofton se në Kosovë ka pasur rreth 900 mijë vota të vlefshme për partitë politike dhe 6.8 milion vota për kandidatët, për shkak të votës preferenciale deri në 10 kandidatë për votues. Kjo do të thotë se mesatarisht çdo votues ka shënuar rreth 7 kandidatë.
Nga rinumërimi i mbi 50% të vendvotimeve në QNR, rreth 80 mijë vota të kandidatëve janë numëruar gabim: 47,619 vota u hoqën nga kandidatët që i ishin shtuar më parë, ndërsa 32,018 vota iu shtuan kandidatëve pasi ishin hequr gabimisht më parë.
Afërsisht 40 mijë nga këto vota të pasakta i takojnë PDK-së, 15 mijë LVV-së, 11 mijë LDK-së dhe 4 mijë AAK-së. Mbi 80% e votave të premtuara gabimisht vijnë nga komuna e Prizrenit, ndërsa Malisheva dhe Podujeva renditen më pas.
Cakolli thekson se rritja e votës preferenciale dhe centralizimi i numërimit në Qendrat Komunale e kanë bërë procesin më të cenueshëm ndaj abuzimeve, sidomos kur të dhënat përpunohen nga një numër i vogël personash të afërt me kandidatët.
