Profesori amerikan Edward Joseph vlerëson se anëtarësimi i Kosovës në Bordin e Paqes të presidentit Donald Trump është një hap i rëndësishëm për përmirësimin e marrëdhënieve me Shtetet e Bashkuara, pas pezullimit të Dialogut Strategjik në vitin 2025.
Ai thekson se ky anëtarësim sinjalizon afrimin e Kosovës me administratën amerikane, veçanërisht duke pasur parasysh se Serbia nuk është pjesë e Bordit.
Sipas Josephit, përfshirja e Kosovës, Shqipërisë dhe Bullgarisë forcon pozicionin e tyre ndërkombëtar, ndërsa Bordi i Paqes mund të ketë rol edhe në dialogun Kosovë–Serbi. Presidentja Vjosa Osmani ka njoftuar se anëtarësimi do t’i dërgohet Kuvendit për ratifikim, duke e cilësuar si hap që rrit sovranitetin dhe partneritetin strategjik të Kosovës.
