Ministri i Mbrojtjes së Shqipërisë, Pirro Vengu, deklaroi se marrëveshja trilaterale në fushën e mbrojtjes mes Shqipërisë, Kosovës dhe Kroacisë nuk është kundër askujt dhe nuk kërkon leje nga ndonjë shtet tjetër.
Ai theksoi se partneriteti është i hapur dhe se Serbisë i është bërë ftesë për t’u bashkuar, por pa përgjigje deri tani.
Marrëveshja synon të forcojë bashkëpunimin në aspektet ushtarak, stërvitor, akademik dhe të prodhimit ushtarak, duke rritur kapacitetet e vendeve pjesëmarrëse.
Vengu shtoi se vendet kanë dakordësi për përdorimin e mjeteve të blinduara dhe bashkëpunimin në fushën e mbrojtjes, duke e konsideruar këtë iniciativë një partneritet të frytshëm dhe të hapur për zgjerim.
