Nënkryetari i Aleancës për Ardhmërinë e Kosovës, Ardian Gjini, ka pritur në takim delegacionin slloven të përbërë nga Anžej Frangeš, Përfaqësues Special i Republikës së Sllovenisë për Ballkanin Perëndimor, Borut Blaj, Ambasador i Sllovenisë në Kosovë, dhe Eliška Kersnič Žmavc, Shefe e Departamentit për Zgjerim dhe Evropën Juglindore në Ministrinë e Punëve të Jashtme dhe Evropiane të Sllovenisë.
Gjatë takimit u diskutua për zhvillimet aktuale politike në Kosovë dhe rajon, sfidat me të cilat përballet vendi, si dhe për marrëdhëniet dypalëshe ndërmjet Kosovës dhe Sllovenisë.
Gjini vlerësoi lart përkrahjen e vazhdueshme të Republikës së Sllovenisë për Kosovën, veçanërisht në proceset integruese dhe forcimin e subjektivitetit ndërkombëtar.
