Besnik Bislimi ka reaguar pas lajmit se nuk është përfshirë në kabinetin e ri qeveritar të Albin Kurtit. Ai vlerësoi arritjet e mandatit të kaluar, duke përmendur liberalizimin e vizave, përparimin në agjendën evropiane, zhvillimin ekonomik dhe përfaqësimin e Kosovës në dialogun me Brukselin.
Bislimi falënderoi Kryeministrin Kurti, kolegët e kabinetit dhe ekipin e tij për bashkëpunimin gjatë pesë viteve të fundit, duke theksuar se ky mandat është realizuar me sukses. Ai gjithashtu u shpreh optimist se mandati i ri qeveritar do të sjellë arritje të reja, progres demokratik dhe zhvillim ekonomik.
