Donika Gërvalla ka uruar Glauk Konjufcën për emërimin e tij si Zëvendëskryeministër dhe Ministër i Punëve të Jashtme dhe Diasporës në Qeverinë e re.
Ajo vlerësoi punën e tij të deritanishme si Kryetar i Kuvendit, duke theksuar maturinë, aftësinë për bashkëpunim dhe angazhimin për unitet institucional.
Sipas Gërvallës, Konjufca ka udhëhequr me vizion dhe vendosmëri, duke forcuar rolin e Kuvendit si institucion përfaqësues i qytetarëve.
Gërvalla i uroi suksese në detyrën e re, duke shprehur bindjen se ai do të kontribuojë në forcimin e diplomacisë së Kosovës dhe në avancimin e marrëdhënieve me partnerët strategjikë.
