Komandanti i misionit të KFOR të udhëhequr nga NATO, gjeneralmajor Özkan Ulutaşh, mirëpriti në selinë e KFOR-it në Camp Film City, në Prishtinë, të Dërguarin Special për Ballkanin Perëndimor të Kryeministrit të Hungarisë, z. Zsolt Bunford.
Takimi i ofroi Komandantit një mundësi të vlefshme për të paraqitur vlerësimin e tij mbi situatën aktuale të sigurisë në rajon, duke theksuar përkushtimin e vazhdueshëm të KFOR-it për të garantuar një mjedis të sigurt dhe të qëndrueshëm për të gjithë qytetarët në Kosovë.
Gjeneralmajor Ulutaşh shprehu gjithashtu mirënjohjen e tij të sinqertë për kontributin e kahershëm të Hungarisë në kuadër të misionit të KFOR-it, duke vlerësuar rolin dhe angazhimin e saj në mbështetje të paqes dhe stabilitetit në rajon.
