Inspektorati Qendror i Mbikëqyrjes së Tregut, në kuadër të Ministrisë së Industrisë, po rrit monitorimin e çmimeve të derivateve të naftës në tregun kosovar.
Kontrolli përfshin zbatimin e vendimit për rregullimin e përkohshëm të çmimeve dhe masat mbrojtëse për konsumatorët, transparencë dhe konkurrencë të ndershme.
Sipas të dhënave më të fundit, çmimi mesatar i importit për dizel ishte 1.40 €/litër dhe për benzinë 1.22 €/litër, ndërsa çmimet për konsumatorët variojnë nga 1.44–1.54 €/litër për dizel dhe 1.18–1.31 €/litër për benzinë.
Marzha tregtare maksimale e lejuar është 2 eurocentë për shumicë dhe 12 eurocentë për pakicë. Autoritetet paralajmërojnë masa rigoroze në rast parregullsish.
