Prezantuesja australiane Mel Schilling, e njohur për shfaqjen “Married at First Sight”, ka bërë të ditur se kanceri i saj i zorrës së trashë është përhapur në tru.
Ajo publikoi lajmin në Instagram, duke treguar sfidat e saj gjatë dy viteve të fundit, përfshirë 16 cikle kimioterapie dhe dhimbjet e forta të kokës që e shoqëruan përparimin e sëmundjes.
Schilling tha se, pavarësisht trajtimeve të mëparshme dhe një provë klinike inovative të planifikuar për mars 2026, ekipi mjekësor i informoi se nuk kishte më opsione të tjera efektive.
Ajo shprehu mirënjohje për mbështetjen e familjes dhe ndjekësve, duke thënë se do të luftojë deri në frymën e fundit.
Në mesazhin e saj, Schilling gjithashtu bëri thirrje që njerëzit të kontrollojnë shëndetin e tyre nëse ndiejnë ndonjë simptomë të dyshimtë, duke theksuar rëndësinë e diagnostikimit të hershëm.
