Kancelari i Gjermanisë, Friedrich Merz, ka deklaruar se vendi i tij nuk do të përfshihet në luftën e Shteteve të Bashkuara dhe Izraelit kundër Iranit, raporton NBC News.
Merz tha se konflikti nuk është një çështje për NATO-n, pasi Gjermania nuk ka mandatin e kërkuar nga Kombet e Bashkuara, Bashkimi Evropian ose NATO, sipas Ligjit Themelor gjerman. Ai theksoi gjithashtu se SHBA-ja dhe Izraeli nuk kanë konsultuar Gjermaninë para nisjes së këtij konflikti, dhe për këtë arsye nuk shtrohet çështja e përfshirjes ushtarake të vendit.
“Prandaj ishte e qartë që nga fillimi se kjo luftë nuk është një çështje për NATO-n,” tha Merz në konferencën për shtyp në Berlin.
