Deputetja e PDK-së, Vlora Çitaku ka reaguar për konferencën e sotme të kryeministrit në detyrë, Albin Kurti.
Ajo në profilin e saj në Facebook ka kritikuar Kurtin për mbajtjen e konferencës në Qeveri e jo në selin e partisë së tij.
Çitaku ka kritikuar ashpër liderin e LVV-së, I cili sipas saj për nëntë muaj tha se I ak numrat për formimin e qeverisë.
Tutje ajo shkruan se për Albin Kurtin shteti skenë teatri dhe qytetarët publik që duhen argëtuar me shfaqjen e radhës.
“Tashmë nuk je më i pasprovuar. Populli e di kush je dhe çfarë sjell qeverisja jote”, shkruan Çitaku.
Postimi I plotë:
Konferenca e sotme për shtyp, që duhej të mbahej në selinë e Vetëvendosjes e jo në ndërtesën e Qeverisë, do të ishte material i mirë për komedi sikur Kosova të mos ishte në gjendjen e rëndë ku ndodhet sot.
Për nëntë muaj me radhë, A.K. na ka thënë se i ka numrat.
Sot, me nënqeshje ironike, pranoi se i paska pasur “verës”, me votim të fshehtë, por tani nuk i paska më.
Ndërkohë, Kosova është e izoluar, nën sanksione, me ekonomi të rënduar e me çmime të papërballueshme për familjet tona.
Por për A.K., shteti është skenë teatri dhe qytetarët publik që duhen argëtuar me shfaqjen e radhës.
Njeriu që nuk ka lënë vlerë pa nëpërkëmbur e njeri pa fyer, sot fliste sërish për nevojën që ai të fitojë “referendumin”, jo zgjedhjet.
Sepse për të, qeverisja ka kuptim vetëm nëse sundon i vetëm.
Po e kemi parë tashmë se çfarë do të thotë sundimi i tij.
Pesë vite me pushtet absolut.
Rezultatet? Izolim, varfërim, ikje masive të qytetarëve tanë.
Jo më, A.K.
Tashmë nuk je më i pasprovuar. Populli e di kush je dhe çfarë sjell qeverisja jote.
