Një tjetër protestë do të zhvillohet sot organizuar nga Sindikata e Punëtorëve të RTK-së (SPERTK), aty ku thuhet se do të bëhen publik hapat e mëtejmë, përfshirë nisjen e grevës dhe bojkotit të punës, nëse situata nuk ndryshon sa i përket pagave për rreth 700 punëtorët e mediumit publik.
Kjo sindikatë këtë e ka quajtur thirrje për mobilizim të madh, për siç kanë thënë, për të mbrojtur të drejtat dhe dinjitetin e punëtorëve të RTK-së.
Kjo është protesta e dytë e thirrur nga kjo sindikatë, pas asaj të 6 nëntorit që u mbajt po ashtu para hyrjes së televizionit publik.
Punëtorët e RTK-së vazhdojnë të jenë pa paga derisa data shënon 13 nëntor.
