Kreu i Lidhjes Demokratike të Kosovës, Lumir Abdixhiku, tha se partia e tij është më e gatshme se kurrë për të udhëhequr vendin dhe për t’i dhënë Kosovës një qeverisje të dinjitetshme.
Ai ka folur gjatë mbledhjes së Këshillit të Përgjithshëm të LDK-së, ku ka bërë thirrje për një mesazh të qartë drejtuar qytetarëve, se Kosova ka nevojë për Lidhjen Demokratike të Kosovës, më shumë se kurrë më parë.
Në fjalën e tij, Abdixhiku ka kritikuar ashpër Qeverinë e Kosovës të udhëhequr nga Lëvizja Vetëvendosje, duke thënë se kjo qeveri ka bllokuar zhvillimin e shtetit.
