Ushtria amerikane ka fluturuar me disa avionë luftarakë F/A-18 mbi Gjirin e Venezuelës, duke qëndruar më shumë se 30 minuta mbi ujë, pranë hapësirës ajrore të Venezuelës.
Zyrtarët amerikanë konfirmuan se bëhej fjalë për një “fluturim rutinë stërvitor” në hapësirën ajrore ndërkombëtare, pa qëllim provokues.
Ky fluturim vjen në kuadër të stërvitjeve që synojnë të demonstrojnë shtrirjen e kapaciteteve të avionëve amerikanë në rajon, duke u krahasuar me misionet e mëparshme të bombarduesve B-52 dhe B-1 që fluturonin përgjatë bregdetit.
Nuk është bërë e ditur nëse avionët ishin të armatosur.
