KEDS dhe KESCO mbajtën një konferencë për të sqaruar situatën e furnizimit me energji elektrike në vend, ku u tha se kufizimet e energjisë prekin rreth 3-5% të konsumatorëve për shkak të rritjes së konsumit gjatë dimrit.
Zëdhënësja e KEDS-it, Bleona Dallaveraj, theksoi se problemet lidhen me mungesën e kapaciteteve të transmisionit dhe jo me rrjetin shpërndarës.
Kjo ka sjellë probleme në zona si Prizren, Malishevë, dhe Therandë. Piku i konsumit ka arritur në 1,365 megavatë, dhe pritet të kalojë 1,500 megavatë nëse vazhdon ky trend.
Zëdhënësja e KESCO-s, Margarita Rashiti, apeloi për kursim të energjisë, veçanërisht gjatë orëve të pikut, dhe siguroi qytetarët se do të informohen vazhdimisht për situatën.
