Sot shënohet ditëlindja e Anton Çetës, një prej figurave më të rëndësishme të historisë kulturore dhe shoqërore shqiptare. Anton Çeta u lind më 3 janar 1920 dhe vdiq më 4 nëntor 1995.
Ai ishte shkrimtar, profesor i letërsisë dhe njihet gjerësisht për rolin e tij vendimtar në pajtimin e gjaqeve te shqiptarët gjatë viteve ’90, një lëvizje që kontribuoi fuqishëm në unitetin dhe paqen shoqërore.
Nga viti 1960 deri në vitin 1968, Çeta ligjëroi Letërsinë e Vjetër Shqipe, Historinë e Letërsisë dhe gjuhën latine në Universitetin e Prishtinës, duke lënë gjurmë të thella në arsimin dhe studimet albanologjike.
Vepra dhe angazhimi i Anton Çetës vazhdojnë të kujtohen si shembull i dijes, humanizmit dhe përkushtimit ndaj shoqërisë.
