Ekspertja e energjisë, Janina Ymeri, ka vlerësuar se situata me energjinë elektrike në Kosovë është kritike, me dy nga pesë blloqet e KEK-ut që janë jashtë funksionit. Ajo tha se edhe nëse KEK do të prodhonte 100%, nuk do të mund të mbulonte kërkesën.
Ymeri theksoi nevojën për subvencionim të importit të energjisë dhe planifikim të qartë vjetor për të shmangur rritjen e çmimeve për qytetarët, të cilët sipas saj, nuk duhet të mbajnë përgjegjësi për avaritë e KEK-ut.
Aktualisht, Blloku 1 i Termocentralit Kosova B ka dalë nga funksioni, duke reduktuar kapacitetin e furnizimit me ngrohje, gjë që Ymeri e konsideron një shenjë të kolapsit energjetik në sektorin energjetik të Kosovës.
