Selvije Jao, bashkëshortja e këngëtarit të ndjerë Shpat Kasapi, ka bërë një deklaratë publike për të sqaruar se ajo është kujdestarja e vetme ligjore e djalit të tyre, Roelit.
Ajo theksoi se, pavarësisht mungesës së babait, prioriteti i saj absolut është kujdesi i plotë për djalin në çdo aspekt të jetës, duke u angazhuar për mirëqenien e tij për aq kohë sa do të ketë forcë dhe jetë.
Sipas saj, Roeli gëzon mbështetje të vazhdueshme nga familja e të dy prindërve dhe nuk i mungon asgjë, falë përkushtimit dhe ndihmës së të afërmve. Jao theksoi se kjo deklaratë është bërë për transparencë dhe për të falënderuar publikisht të gjithë ata që kontribuojnë për mirëqenien e djalit.
Ajo gjithashtu sqaroi se çdo ndihmë apo mbështetje financiare për Roelin menaxhohet përmes një llogarie bankare personale dhe se vetëm ajo ka të drejtë të flasë dhe të veprojë në emër të djalit të saj të mitur, duke theksuar se nuk do të lejojë asnjë përfitim në emrin e tij.
