Presidentja Vjosa Osmani konfirmoi se ftesa personale nga presidenti amerikan Donald Trump për pjesëmarrje në Bordin e Paqes nuk përfshin detyrime financiare të detyrueshme për Kosovën.
Ajo e cilësoi këtë anëtarësim si historik, pasi Kosova është ndër anëtaret themeluese të një organizate të re ndërkombëtare të themeluar nga SHBA, duke theksuar se kontributi i vendit do të jetë përvoja e tij në shtetndërtim dhe ndërtim të paqes.
