Nga 12 deri më 16 janar 2026, përfaqësues të Policisë së Kosovës, Agjencisë së Forenzikës, Doganës dhe FSK-së përfunduan një trajnim të specializuar të udhëhequr nga Administrata Amerikane për Zbatimin e Ligjit kundër Drogës (DEA), me mbështetjen e Programit Ndërkombëtar për Asistencë në Trajnimin e Hetimeve Penale (DOJ-ICITAP) dhe Departamentit të Drejtësisë së SHBA-së.
Programi fokusoi zhvillimin e kurrikulës dhe aftësive për trajnim efektiv, duke përfshirë parimet e të mësuarit, integrimin e informacionit mbi trendët aktualë të drogave, zhvillimin e skenarëve të sigurt dhe komunikimin efektiv. Pjesëmarrësit aplikuan njohuritë përmes ushtrimeve praktike dhe prezantimit të moduleve instruktive, duke rritur vetëbesimin dhe aftësitë instruktive.
Ky trajnim pasqyron bashkëpunimin e ngushtë ndërmjet institucioneve të sigurisë në Kosovë dhe partnerëve ndërkombëtarë, duke mbështetur ndërtimin e institucioneve profesionale dhe të afta për një të ardhme më të sigurt dhe të qëndrueshme.
