Me urdhër të Prokurorisë Speciale të Republikës së Kosovës, është arrestuar dhe ndaluar për 48 orë një person i identifikuar me inicialet B.Sh., i dyshuar për përfshirje në keqpërdorim gjatë një procesi të prokurimit publik.
Sipas autoriteteve, i dyshuari po hetohet për veprën penale keqpërdorim i pozitës apo autoritetit zyrtar, si dhe për posedim të paautorizuar të armëve.
Arrestimi është realizuar në kuadër të hetimeve që Prokuroria Speciale po zhvillon lidhur me dyshime për parregullsi në aktivitetet e prokurimit.
Institucionet e drejtësisë kanë bërë të ditur se hetimet do të vazhdojnë për të sqaruar plotësisht rrethanat e rastit dhe përgjegjësinë penale të të përfshirëve.
