Në pikën kufitare “Kapitan Andreevo” mes Bullgarisë dhe Turqisë, doganierët zbuluan një dërgesë ilegale që përmbante kokainë dhe ar me vlerë mbi 1.4 milionë euro.
Substancat u gjetën në kabinën e një kamioni që transportonte lule nga Holanda drejt Turqisë. Përveç shoferit turk, janë arrestuar edhe dy persona të tjerë për bashkëpunim në trafik droge.
Kontrolli u krye me rreze X dhe me ndihmën e qenit të doganës, Krum.
Në kabinën e kamionit u gjetën 10 pako me kokainë dhe 3 pako me ar me peshë mbi 5 kg, duke shënuar rastin e parë të kapjes së njëkohshme të drogës dhe arit nga dogana.
