Deputetja e Kuvendit të Kosovës, Ariana Musliu Shoshi, ka përkujtuar betejën e 28 shkurtit 1998 në Likoshan dhe Qirez, ku forcat serbe vranë civilë të pafajshëm.
Ajo theksoi se kjo ngjarje shënoi fillimin e luftës për liri dhe sakrificën e madhe për çlirimin e Kosovës.
Musliu Shoshi përmendi familjet Rexhepi, Sejdiu, Ahmeti, Nebihu, Xheli, Rama dhe Behrami, duke theksuar se ato qëndrojnë krenare për bijtë dhe bijat e tyre që u bënë themel i lirisë së vendit.
Në fund, ajo nderoi jetën dhe veprën e të rënëve, duke theksuar rëndësinë e kujtesës dhe respektit për sakrificën e tyre.
