Kreu i Aleances për Ardhmërinë e Kosovës, Ramush Haradinaj, ka bërë homazhe në Prekaz në përkujtim të Epopesë së UÇK-së dhe sakrificës së luftëtarëve të rënë për liri.
Ai tha se kjo ngjarje rikujton përpjekjet e shqiptarëve për liri ndër shekuj dhe dëshmon se edhe ëndrrat më të mëdha mund të bëhen realitet me vendosmëri.
Haradinaj theksoi se në vendin e komandantit legjendar Adem Jashari përkujtohet qëndresa heroike e Familjes Jashari, e cila, sipas tij, u bë themel i shtetit të Kosovës. Ai përfundoi mesazhin duke nderuar të rënët dhe luftën e UÇK-së.
