Izraeli ka dhënë urdhër urgjent për evakuimin e Libanit jugor, ndërkohë që vazhdon sulmet ajrore në zonë.
Zëdhënësi i Forcave të Mbrojtjes së Izraelit, Avichay Adraee, deklaroi se operacionet po kryhen “me forcë” kundër Hezbollahut në jug të lumit Litani, për shkak të aktiviteteve të grupit në rajon. Ai bëri thirrje që banorët të largohen menjëherë drejt veriut të lumit Litani.
Të hënën, IDF njoftoi se ka kryer një seri sulmesh ndaj objektivave të Shoqatës Al-Qard Al-Hassan (AQAH), një shoqatë financiare e lidhur me Hezbollahun. Ministria libaneze e shëndetësisë raportoi se 486 persona kanë humbur jetën që nga fillimi i ofensivës së Izraelit këtë muaj.
