Kryetari i Parlamentit të Iranit, Mohammad Bagher Ghalibaf, ka deklaruar se forcat iraniane janë në gatishmëri dhe po presin trupat tokësore amerikane, në mes të raportimeve për një përshkallëzim të mundshëm ushtarak.
Deklarata e tij erdhi pas një raporti të Washington Post, që sugjeron se Pentagoni po përgatitet për operacione tokësore në Iran, megjithatë mbetet e paqartë nëse presidenti amerikan, Donald Trump, do të miratojë një vendim të tillë.
Administrata amerikane ka dhënë mesazhe të përziera; Trump tha se nuk planifikon të dërgojë trupa, por nuk e përjashtoi mundësinë e një vendimi të tillë.
Ndërkohë, Sekretari i Shtetit, Marco Rubio, ka theksuar se Shtetet e Bashkuara mund të arrijnë objektivat pa përdorur trupa tokësore.
Për më tepër, Komanda Qendrore e SHBA-së ka konfirmuar mbërritjen e anijes luftarake USS Tripoli në rajon, duke shtuar praninë ushtarake amerikane në zonë.
