Gjykimi në Dhomat e Specializuara të Kosovës ndaj ish-udhëheqësve të UÇK-së po shkon drejt përmbylljes pas disa vitesh proces gjyqësor dhe paraburgimi.
Të akuzuarit Hashim Thaçi, Kadri Veseli, Jakup Krasniqi dhe Rexhep Selimi janë deklaruar të pafajshëm për akuzat për krime lufte, ndërsa procesi ka përfshirë dëshmi të shumta dhe prova nga Prokuroria.
Rasti ka nxitur reagime dhe protesta në Kosovë, sidomos për shkak të kohëzgjatjes së paraburgimit dhe refuzimit të kërkesave për lirim të përkohshëm.
Ndërkohë, kryetari i trupit gjykues, Charles Smith, ka theksuar se pas mbylljes së çështjes nuk lejohen prova të reja, përveç në rrethana të veçanta.
Tani pritet vendimi i shkallës së parë, i cili mund të shpallet brenda 90 ditëve ose edhe më vonë, në varësi të vendimit të gjykatës.
