Sekretari Organizativ i Lëvizja Vetëvendosje, Alim Rama, i është drejtuar ushtrueses së detyrës së Presidentes së Kosovës, Albulena Haxhiu, me kërkesë për emërimin e anëtarit të tretë të Komisioni Qendror i Zgjedhjeve nga ky subjekt politik.
Sipas Ramës, kjo kërkesë vjen si rezultat i përbërjes së paplotë të KQZ-së gjatë mandatit të ish-presidentes Vjosa Osmani, si dhe pas mospranimit nga ana e Gjykatë Kushtetuese të Kosovës të kërkesës së saj për sqarim lidhur me kompetencat kushtetuese për emërimet në këtë institucion.
Ai ka bërë të ditur se i ka propozuar ushtrueses së detyrës së Presidentes emërimin e Nijazi Isaku si anëtar të tretë nga LVV në KQZ.
Ndërkohë, ish-presidentja Osmani më herët i ishte drejtuar Gjykatës Kushtetuese për interpretim rreth emërimit të anëtarëve të KQZ-së, pas situatës së krijuar me mos-emërimin e një anëtari nga PDK dhe kërkesës së LVV për tre përfaqësues.
Gjykata Kushtetuese e Kosovës nuk e kishte pranuar kërkesën e saj për vlerësimin e kushtetutshmërisë në këtë çështje, duke lënë të hapur interpretimin për përbërjen e plotë të këtij institucioni.
