Skuadra e KB Bora ka nisur në mënyrën më të mirë të mundshme fazën çerekfinale të “Play-off”-it, duke e mposhtur KB Sigal Prishtina me rezultat të thellë 105:67.
Bora dominoi gjatë gjithë ndeshjes, duke krijuar epërsi që në çerekun e parë dhe duke e rritur diferencën deri në fund, pa i lënë hapësirë kundërshtarit për rikthim.
Me këtë fitore bindëse, Bora merr avantazh të rëndësishëm në serinë çerekfinale, ndërsa Sigal Prishtina do të kërkojë reagim në ndeshjen e radhës për të mbajtur gjallë shpresat për kualifikim.
