Trepça ka vazhduar formën e mirë duke fituar ndaj Pejës me rezultat 86-78 në ndeshjen e parë gjysmëfinale të “play-off”-it.
Në palestrën “Minatori”, mitrovicasit dominuan pjesën më të madhe të lojës, duke krijuar epërsi që në pjesën e parë dhe duke e menaxhuar mirë deri në fund, pavarësisht reagimit të Pejës në çerekun e tretë.
Më i dalluari te Trepça ishte Drilon Hajrizi me 17 pikë, ndërsa Payne dhe Jones shtuan nga 13 pikë secili. Te Peja, Dardan Berisha realizoi 19 pikë, por pa arritur ta shmangë humbjen.
