Kryetarja e Kuvendit Albulena Haxhiu ka përkujtuar martirët e masakrës së Korishës, duke e cilësuar si një nga ngjarjet më të rënda të luftës në Kosovë.
Ajo tha se më 13 maj 1999 në Korishë humbën jetën 77 civilë shqiptarë, mes tyre fëmijë, si dhe viktima të tjera gjatë periudhës së luftës. Haxhiu theksoi se civilët u dëbuan, u ndaluan dhe u keqtrajtuan gjatë veprimeve të forcave serbe.
Ajo u shpreh se familjet e viktimave kanë të drejtë për drejtësi dhe se institucionet e Kosovës do të vazhdojnë të jenë pranë tyre deri në zbardhjen e plotë të krimeve të luftës.
