Kryetari i LDK-së, Lumir Abdixhiku, ka reaguar ndaj pakos së re të Qeverisë për mbështetje financiare prej 100 eurosh për pensionistët, fëmijët, studentët dhe punëtorët e sektorit privat.
Ai e ka cilësuar këtë masë si përpjekje për blerje votash dhe propagandë politike, duke thënë se nuk bëhet fjalë për një pako reale për përballimin e inflacionit.
Abdixhiku deklaroi se qytetarët kanë nevojë për zhvillim ekonomik, paga më të mira dhe politika të qëndrueshme sociale, e jo masa të përkohshme në prag zgjedhjesh.
Sipas tij, Kosova ka nevojë për një qasje të re qeverisëse që fokusohet në mirëqenie afatgjatë dhe mbështetje të vazhdueshme për qytetarët.
