Presidenti kinez, Xi Jinping, dhe homologu i tij rus, Vladimir Putin, kanë nisur bisedimet dypalëshe në Pekin, në prag të paradës ushtarake që do të mbahet në kryeqytetin kinez.
Putini do të marrë pjesë në paradën ushtarake të mërkurën në Pekin, e cila shënon 80-vjetorin e përfundimit të Luftës së Dytë Botërore, ka raportuar AP.
Takimet e kësaj jave vijnë në një kohë kur Xi kërkon të projektojë fuqinë e Pekinit në skenën ndërkombëtare – jo vetëm si ekonomia e dytë më e madhe në botë, por edhe si një peshë e rëndë diplomatike.
